Чăваш Республикин культурăн тава тивĕçлĕ ĕçченĕ, ачасен те, çитĕннисен те юратнă çыравçи Н.П.Ишентей Патăрьел шкулĕнче хăнара пулчĕ.

Раççей Федерацийĕн Писательсен союзĕн членĕ, Cеçпĕл Мишши ячĕллĕ преми лауреачĕ, Чăваш Республикин культурăн тава тивĕçлĕ ĕçченĕ, ачасен те, çитĕннисен те юратнă çыравçи Н.П.Ишентей Патăрьел шкулĕнче хăнара пулчĕ.

Николай Ишентей 20 ытла кĕнеке авторĕ. Вăл Çĕрпý районне кĕрекен Тури Шурçырма ялĕнче пурăнать. Нарăс уйăхĕн 16- мĕшĕнче çыравçă шкула тĕлпулăва çитрĕ. Ачасемпе вĕрентекенсем, культура ĕçченĕсем, Çĕрпý районĕн тĕрлĕ шкулĕсенче чăваш чĕлхипе литературине вĕрентекенсем 70 çулхи юбилейпа саламларĕç.
Уявра çыравçăн сăввисене ачасем каласа пачĕç, юрăсем юрларĕç, ташларĕç. Патăрьел культура çурчĕ çумĕнчи 'Туслăх' фольклор ушкăнĕ вара ун сăввисемпе çырнă юрăсем шăрантарчĕ."Этем хакне ĕçне кура виçеcçĕ" ятлă сăвăри йĕркесене вуласа Николай Петровичăн ĕçĕсене "5" паллă лартса хакларăмăр.
"Эп ĕçлени сая каймасса шансах тăратăп",- терĕ çыравçă ачасемпе уйрăлнă май.